TONORAN KAMENOMBAN ALLO MINGGU
JEMAAT NONONGAN
Minggu, 05 Mei 2019
1. Menani “Allo Minggu, Nang Allo Mala’bi” NK 10 (Bendan)
Allo minggu, nang allo mala’bi, iamo allo Puang
Umpa bu’tu kupoparannuna tama lan penaangku
Refrein : Allo Minggu, allo Puang, allo rapa’ maindan
Allo Minggu, allo Puang, allo rapa’ maindan
Allo Minggu allo katorroan lako kale mata’ka’
Kada Puang sae umpakananna’ to rosso inayanna (Refr.)
2. Samaya Bisara na Passalama’
T : Iatu pa’tunduanta umpotete sangan-Na Puang, tu mangka umpadadi langi’ sila lino
K :
T : Kamamasean, kamaturu-turuan na kamarampasan diomai Puang Matua Ambe’ Puang Yesu Pela’bak na Puang Pena Masallo’ urrondong komi sola nasang.
K : Sia lulako kalemi
3. Tuara’ Mangaku Dosa (Ma’dokko)
T :Belanna napamanassa sukaran aluk-Na Puang Matua tu mintu’na kasalanta dia dosata iamoto tasipatu tongan umpamadiong kaleta dio olo-Na Puang Matua ta mangaku kumba’ kumua :
K : O, ambe sumpu mamase, mangakukan kumua to kasalanmokan lan pa’tangngaran, lan buangan kada sia lan penggaurangki. Pagarri’kan sia kamaseikan lan sangan-Na Yesu Kristu’
T + K : Menani : Karimamanni kamaseikan Puang
4. Kada Kamasokanan
T : Iamoto perangimi tu kareba ma’pakatana dio mai Puang Matua “Belanna mangkamokomi dialli melolo. Iamo to la mipake tu kalemi umpakala'bi' Puang Matua” (1 Korintus 6 : 20)
Menani NK 395 “Mala’bi Tongan Attunna”
Mala’bi tongan attunna tongku sitammu Pela’bak
Lendu’ tongan parannungku la tontong kupoulelean
Refrein : Mala’bi’ attunna Yesu ‘sseroi salaku
Napasanna’ pela’bakku tontong marea mangando
Mala’bi’ attunna Yesu ‘sseroi salaku
5. Peturona Katuoan Ba’ru
T : Nakuami mebali: MindaroKomi, Puang? Ma'kadami nakua: Akumo Yesu, tu mupakario-rio. Malimbangunmoko mumale tama tondok, nalanpa mudipokadan tu apa sipatu la mupogau'. (Penggauranna Rasulu 9 :5-6)
6. Baenan Pa’Pudian (Pa’Pudian 30 : 1-13)
P : Pa'pudian dipopenani ma'kure sumanga' urrara banua kabusunganNa Puang Matua. Pa'pudianna Daud.
La kupekalangka'i Komi, o PUANG, belanna Miangka'mo' langngan,
K : sia tae' Mieloranni tu ualingku umposendei tu diona kasanggangangku.
P : O PUANG, Kapenombangku, mangkamo' meongli' mati'
K : sia mangkamo' Mipamatana.
P : O PUANG, mangkamo Miendekan tu deatangku lan mai lino to mate,
K : sia mangkamo' Mipatuo naurunganni tae' angku tileak tama tondok tang merambu.
P : PakendekanNi pa'pudian tu PUANG, e mintu' tu to Naala mase,
K : sia pudii tu sanga madatunNa.
P : Belanna iatu kasengkeanNa sattu' bangri,
K : apa marendeng tu sokan kaboro'Na; iake rapa'i bongi malimongan diallonni, apa iake tilalekki masiang bu'tu la'tek silelean.
P : Iatongku manaman bangpa kukua ma'kada:
K : inang tae' angku la tilende' len. –
P : O PUANG tete dio kamasokanamMi amMi pabantangi tu buntungku,
K : Mibunimira tu lindoMi, kumane tiramban.
P : Mati' Kalemi, o PUANG, kunii meongli',
K : sia lako Puang, kunii mengkamoya:
P : Apara upa'na tu raraku,
K : ke tileakna' rokko pa'tambunan? Ma'dinraka tu litak la umpudiKomi, ma'dinraka la umpa'peissanan kamarurusamMi?
P : Patanannina' talinga, o PUANG, sia kamaseina',
K : o PUANG, melo ke Kamumo patunduangku.
P : Tangi' tang marangaku Mipopembalimo kadande'rekan,
K : Mileakammo tu poteku, amMi patambeke'ina' kaparannuan.
P : Kumua napakendekangKomi pa'pudian deatangku sia tang napaka'tu,
K : o PUANG, Kapenombangku, la kupudiKomi sae lakona.
Menani Pa’Pudian 29
E mintu’ malaeka’ palu lakoi PUANG tu angganna kapudian
pakala’bi’ tu PUANG, pangke’i tu kuasanNa PUANG
pakarayai sanganNa, ammi penombai tu PUANG
situang kassa’ dio oloNa.
Iatu gamaranNa PUANG gumaluntu’ do lu uai
‘mparumanda galugu tu Puang di Matua,
apa nang sumpu mala’bi’. Nasamboi kuasanNa
mintu’ tu tasik kalua’ sia Natadongkonni PUANG
7. Pangimbo Umbasa Sura’Madatu
8. Umbasa Sura’ Madatu
Bunga’na Pa’basan : Penggauranna Rasulu’ 9 :1-9
Ma’penduanna Pa’basan : Wahyu 5 :11-14
Menani “Haleluya”
PF : Yohanes 21 :1-19 (Bendan)
Menani “Kurre Sumanga’ Puang” NJNE 78
9. Ullesang Kada Puang :
“Akumo Yesu, Tu Mupakario-rio”
(Akulah Yesus Yang Engkau Aniaya)
10. Rapa’ Ma’nannungan
11. Sambayang : Ambe’ki Dao Suruga”
12. Pangkuan Kapatonganan : 12 Kapatonganan Rasuli (Bendan)
13. Ussorong Penomba (Ma’dokko)
P : PakendekanNi pa'pudian tu PUANG, e mintu' tu to Naala mase, sia pudii tu sanga madatunNa. (Pa’Pudian 30 :5)
Menani “Soranganni Puangta” PM 130
Soronganni Puangta mintu’ katuoammu;
angga kamagiangammu, na kamasussanmu.
Puang umpoissan attu, na a’ganna lino,
Tontong ungkasokanni, mintu’na anakNa.
Soronganni Puangta mintu’ kamagasan.
Na Ia ‘mpoissan meloi mumangnga ‘ntiroi.
Mintu’ sarro budammu tu ussara’iko
la Nalendokan nasang kuasanNa Puang.
Mintu’na kamagiangan pa’dei lan penaammu;
pa inang tang mukulle ‘mposara’ kalemu.
Ikoraka manarang ‘mpoissan nasangi?
Puang Ia makuasa tang leluk paissanNa.
14. Passambayang Penomba na Pangimbo Samalele
15. Menani NK 410 “Rapa’mo pole penaangku” (Bendan)
Rapa’mo pole penaangku, Puang unnato tengkaku
Lan mintu’ attu sia sara’ tontongna Natoe lima
Refrein : Puangmo tu unnanta’na’ limangku na toe manda’
Kusorongan penaangku limangku na toe manda’
Ke u-pu’mi passanangku mi benna’ kapataloanMi
Kamatean tang ku kataku’ belanna mi toe manda’Na (Refr.)
16. Pangrampan Na Passakke
T : Malemo komi, mipatale’i tu kadan-Na Puang tu mangka mirangi, dikua anna membua lan kale-Na : mi tarimai tu passakke :
Pendeta :
T : Na PUANG mora umpamasakkekomi sia ungkatirinnaikomi;
na PUANG mora umpaarrangikomi lindoNa sia ungkaturu-turuikomi;
na PUANG mora umpatiroangkomi lindo masokanNa sia
umpasiriakomi kamarampasan
Penatua / Diaken :
T : Anna Puang Matuamora ungkamaseiki' sia umbura'ki' lindo masakke, sia umpaarrangiki' rupanNa
K : amin
17.Menani “Kasiuluran lan Puang” PM 189
Kasiuluran lan Puang, la bendan matoto’,
Na sundun kasipuluran lan Pu angta Yesu.
Ta pada tengka sangla koan ‘mpabatta’ inaya,
si pakaboro’ manaman, lan ka marampasan.
Na kita simisa’misa’ pantan dikamasei
la batta’ lan ma’patongan, Birisan mengkarang.
Umpamadiongan penawa, ten pepasanNa Puang.
Kombongan sipakaboro’ Unturu’ kada Puang.
Komentar
Posting Komentar